梨滿園韓國料理 (已結業)

梨滿園係ig見到好多廣告話梨滿園好多人排炸雞放題，就去左試下。90分鐘任食炸雞，牛肉壽司同埋芝士蛋捲。有分午餐時段$118 同晚餐時段$138 加一。客人多但明顯地職員少，客人未講完就即刻serve下位，讓人感覺不太尊重。上菜速度慢，食完一set再重新order，都等左15-20分鐘。食物味道方面，最好食係壽司，入邊有紅蘿蔔、青瓜絲、、牛肉、雞蛋同埋醃黃瓜，都幾多材料。口感一般，唔會太乾，又唔會太鞋。雞蛋捲有包多層紫菜在雞蛋，比人有種驚喜，但不太熟、汁液太多，味道全是調味料番茄醬同黃芥末味。仲有4款口味既芝士雞肉，但完全可以感覺到芝士係微波爐叮，同肉質急凍雞肉，鞋颯颯，四款口味只是加上唔同的醬汁沒有太大分別。最後，價錢一般可食到3款食物但味道不太討好，同人手不足，令招待客人的態度都有所參差。