鳴橋燒肉料理 (已結業)

日式燒肉放題（$168+40）司令今次同朋友試左位於旺角既燒肉放題，爐上面放左張紙，令啲野食冇咁易燒燶，抽氣做得好好，冇咩油煙，著冷衫燒完都冇味啊。強烈推薦大家加$40升級，有羊架、馬刀貝、虎蝦、帆立貝等等既野食。 虎蝦爽甜無雪味，而帆立貝就隻隻都勁大，新鮮到不得了，絕無欺場，講真食多兩三舊都回哂本啦。 食足成晚肉，點都要有菜中和下嘅！司令大推呢度嘅翠玉瓜、粟米🌽同菌類🍄，不知不覺食好多！翠玉瓜加少少鹽迫出水份，勁juicy！粟米就本身有牛油，再加上燒牛肉粒出黎嘅油脂一齊燒，好甜！同樣菌類同上油脂一齊燒，都係清清腸胃之選。菌類好搶手好快賣晒，要食就記住盡早叫定先啦！