影片
更多
2013-04-23
72 瀏覽
都不知是何時見到電視報導的放題飯店!不知不覺間就和女朋友及一知己走到了廟街!因為星期六的關係,店外排了小人龍一條,店員叫我們等下輪時間,當時7點半左近,我們等到7點45分終於有位,坐了一張四人檯,檯都ok大,不用搭檯! 一坐低,店員馬上送上餐牌 一睇有點嚇親,有蟹,蝦,雞絲翅,鮑片雞腳,聖子,花螺等貴價野,隔離仲有個價錢,緊係問清楚d先啦,廢事埋單唔係$68咪死!餐牌上有十款海鮮同幾款小菜,寫明都可以叫一次,會跟人頭份量,於是問了女朋友胃口如何後決定了點幾樣自己較為喜歡的! 準備落單之際,店員話係自己寫既!又好,自己埋啦,$68蚊係要有d要求既,去大家樂都要自己拎啦!於是用自己最快既速度寫好晒d食物!入單時,店員順便就開左一張埋單紙俾我地,上面寫住8:00-9:00!哦,落單先開始計時! 過了5分中到,第一道菜黎了 係雞絲翅,味道又唔錯喔!同酒樓既味道有得比下!2分鐘後,有花螺了 我最愛雖然得甜醬冇辣醬,不過味道鮮甜,新鮮!5分鐘後,店員叫,聖旨到!哦,聖子到!有小小辣,但仍保持聖子的鮮味,雖然有少少沙,仍可接受,邊有完美?再過了2分鐘,一氣黎兩碟,
都不知是何時見到電視報導的放題飯店!不知不覺間就和女朋友及一知己走到了廟街!因為星期六的關係,店外排了小人龍一條,店員叫我們等下輪時間,當時7點半左近,我們等到7點45分終於有位,坐了一張四人檯,檯都ok大,不用搭檯!
一坐低,店員馬上送上餐牌
一睇有點嚇親,有蟹,蝦,雞絲翅,鮑片雞腳,聖子,花螺等貴價野,隔離仲有個價錢,緊係問清楚d先啦,廢事埋單唔係$68咪死!餐牌上有十款海鮮同幾款小菜,寫明都可以叫一次,會跟人頭份量,於是問了女朋友胃口如何後決定了點幾樣自己較為喜歡的! 準備落單之際,店員話係自己寫既!又好,自己埋啦,$68蚊係要有d要求既,去大家樂都要自己拎啦!於是用自己最快既速度寫好晒d食物!入單時,店員順便就開左一張埋單紙俾我地,上面寫住8:00-9:00!哦,落單先開始計時!過了5分中到,第一道菜黎了
係雞絲翅,味道又唔錯喔!同酒樓既味道有得比下!2分鐘後,有花螺了 我最愛
雖然得甜醬冇辣醬,不過味道鮮甜,新鮮!5分鐘後,店員叫,聖旨到!哦,聖子到!
有小小辣,但仍保持聖子的鮮味,雖然有少少沙,仍可接受,邊有完美?再過了2分鐘,一氣黎兩碟,蟹同鮑片雞腳
於是我問店員點解得1只雞腳?店員俾返我寫果張單我睇,因為我冇寫人數!唔好意思,係我大意!店員也幫我換返一盤出黎!又過了一陣間,蠔餅都到埋!
食食下,諗起會唔會唔有煲仔飯呢,睇返個餐牌是寫住要$8既,白飯同粥就任食!都係叫3碗粥啦!天頭咁熱!又食到咁上下,諗起好似未叫瀨尿蝦同海蝦添,於是又補返張單,最後等左20分鐘先到店員話後加係會遲少少,下次應該一早寫晒就穩陣!
食左50分鐘都差唔多,無無聊聊又睇下張餐牌,原來仲有野未食,不過算啦,下次先,都好飽啦!再睇真一D,有段文字好吸引,叫和興飯店的心聲,內容大概係話呢個價食咁多款野已經係呢度既極限,老闆只能做到咁樣,同埋老闆星期日會派米俾長者,善心人可以一齊支持下,餐廳仲貼左好多派米的相片!話有好多阿婆為左袋米晨早黎排隊,有好多人其實食都未食得飽,若然覺得OK的話,就捐一點錢出來的意思!
說句心底話,埋單$204蚊,我自己都有D唔信,有蟹,有翅,我都當賺左,最後我捐左$50入捐款箱,希望這個世界多點這種善心人就好了
張貼
