大吉居酒屋 (已結業)

見大家都對放題有不同的comments，星期日我又同男朋友去左大吉試一試。訂左6:30pm枱。人唔多，都係有幾枱日本客。service仍然唔錯，會話畀你知可以食到幾點……共有6-7張order紙，分左刺身、炸物、沙津、串燒、和食等等的種類。一黎到係咁叫，呢一晚我地食左4-5round的刺身、3客卷物(吞拿魚腩同軟殼蟹)、1個蟹粥、1個炒雜菜、1個手打烏冬、1個凍豆腐、1個燒青魚、2串鹽燒串燒(牛仔骨+蝦)、4件天婦羅(蝦+蕃薯)……感覺好好……味道方面，刺身仍然好fresh，唔會因為放題而失去standard。有一次叫左三文魚，佢畀埋三文魚腩我地，片片都好大片，好rich呀~O~﹗仲有響螺刺身，好鮮味~ 醋青魚刺身更加係開胃之選﹗蟹粥都好味，一鍋兩個人share已經好夠，仲有彈牙手打烏冬，脆皮燒青魚……我覺得食物好有水準。$158/person，真係值回票價，好過去果d排長龍壽司店多多聲。