金寶甜品 (已結業)

一直很想試這裡的雪糕, 是日來到九龍城, 就專門來一試.來得時候是星期六的六點, 人客不太多. 當然, 又怎會有人好像我六點就食飯的時候先食雪糕? 屋企小朋友唔好學啦.店子除了主打的芭菲, 還有其他甜品, 不過一場來到, 當然先吃芭菲了.拿破崙芭菲 $42: 7分, 拿破崙跟芭菲怎樣溝得埋? 答案是: 唔係幾得. 件拿破崙放在上面, 其實跟底下的雪糕是各有各吃. 拿破崙應該是做起了太耐, 不夠脆. 芒果雪糕幾香芒果味, 雪得夠硬, 如果不夠硬的, 好易被其他配料整到溶晒. 而雪糕加上吉士醬跟忌廉同吃, 仍是相當美味的. 不過件拿破崙就真的麻麻又夾不到個芭菲.沖繩黑糖珍珠芭菲 $42: 8分, 這個其實簡單一點, 就是一大球芝麻雪糕, 另外配上珍珠和脆餅. 黑糖醬另上, 想要幾多自己淋上去就得. 芝麻雪糕方面, 芝麻味不算濃郁, 但加上黑糖醬原來是個相當出色的配搭. 珍珠就咬口一般. 不過單去吃芝麻雪糕加黑糖已令我相當回味.價位還算合理, 不過水準就還有上升的空間. $42一客, 應該在質上面有更高的要求吧. 當然, 一客沖繩黑糖珍珠芭菲, 還是值個笑面的.