民園麵家 (已結業)

午市閉關多時，見心情懷懷的，倒不如出外走一趟散散心．．．近乎上山的一條路，冬天時分確實暖萬分，再坐近爐邊，周身暖笠笠，叫了牛腩撈麵，倒是一樂事。牛腩有點韌，個人來說滿意合胃口，腩汁更加想連碟飲，雖然未試過乜記物記或什麼第一腩，但此處確實很有「味」；幼幼的麵，很鹼，要勁落大紅淅醋，混了腩汁的麵條份外好味道，狼吞虎嚥了幾口，已吃完了，真的想再來一碟；附上的清湯，充滿著濃濃的雲吞味，不禁單喝了兩口；小插曲兩則：一．小妹記錯柯打放了豬手撈麵在我眼前，猶豫數分，熱騰騰的一碟確實吸引；當然，有待下次來一客罷！二．同檯之叔叔正在吃郊外菜心油菜，眼見吃得七七八八，口裡邊噬著菜莖邊喃喃地說：「老細，你地ｏ的菜真係好好味，整多碟丫！」，老闆微笑著緩緩放下一碟油菜，我心想：真的這樣「哂家」？！（由於正是等候牛腩撈之時．．．）險些兒用筷子一夾來試．．．（手起筷子差些少去夾）真羞家！若遇同檯之食客喜這樣「試吃」，那個一定是我。