焱燒串燒專門店 (已結業)

佐敦偉晴街有間新開既焱燒串燒！串燒menu好多款式又實惠！相當抵食，全部即叫即燒，夠熱辣辣！

雞泡魚乾，香脆質地帶咸香感覺，再配沙律醬更加入味，幾推介！

芥末八爪魚，唔會太攻鼻，質感涼浸浸幾開胃，味道滋味又帶點彈牙感。

清酒蒜蓉焗蜆，蒜蓉味相當突出，蜆肉無沙乾淨而且幾飽滿，味道幾鮮香，酒味唔會太濃。

汁燒白鱔， 鱔既魚皮燒到香脆，魚油香非常香濃" 質感啖啖肉好肥美。

開邊虎蝦有三種唔同既調味配搭！味道調得幾好！蝦頭帶膏香好正，肉就夠哂入味又彈牙，幾鮮味！

燒焦糖菠蘿，翠玉瓜，蘆筍等等，都燒得唔會過火喉，keep到 juicy感覺。相當不錯！