奧壽司

營業中

休息中

喺數碼港嘅餐廳選擇唔多，但有一間日本料理餐廳奧壽司，好多人都推介，CP值好高。蟹牛肉火鍋：牛肉火鍋經已好豐富，呢個仲有埋蟹，簡直係豪華奢侈嘅享受。牛肉份量都幾多，油脂分布均勻，而配料都好豐富，兩個人食完全夠哂食。海膽刺身：海膽喺嚟自加拿大，不過都可以媲美日本海膽嘅鮮甜 ，而且佢哋嘅賣相好獨特，打卡影相都不俗，而加埋香脆嘅紫菜同埋一件件嘅卝壽司飯一齊食，口感更加豐富。鐵板燒蒜蜆：蜆本身好新鮮，經已好鮮甜，加埋海鮮絕配嘅蒜蓉，簡直係無得輸。雞泡魚乾：魚乾火候控制得宜，口感軟硬適中，食落有陣陣香甜嘅味道，蘸埋佢哋嘅秘製醬，會更加滋味。三文魚壽司：三文魚厚切，口感會更好，味道鮮美，配埋微酸嘅壽司飯，兩者味道配搭簡直係絕配。免治雞肉串：雞肉燒完仲保持到滿滿嘅肉汁，佢哋嘅調味得宜，令雞肉嘅鮮味更加突出。