甘味讚岐手打烏冬 (已結業)

晏左出門，差唔多三點先去食晏，今次嚟咗甘味烏東，裝修咗門面靚咗，好有日本風，坐得都幾舒服，同埋呢個鐘數唔多食客，即刻就有得入座👍·吉列豬扒讚岐手打烏冬豬扒都算脆口，伴碟有沙律醬，烏冬上菜時都保持到熱辣辣，烏東質感彈牙，配埋清清哋嘅烏冬湯底，整體感覺唔錯。·滑蛋吉列豬扒配飯 加配炸雞滑蛋味道幾好，除咗洋蔥仲有紅蘿蔔同香菇，豬扒吸左滑蛋嘅汁，加埋小小嘅酥脆，配埋飯一齊食好味👍一個牛奶布甸嘅甜品送，食落似淡奶嘅味道，唔會太甜，都還可以。要加錢加配既炸雞份量比較少，味道都ok，不過不失