魚鍋小甜甜 (已搬遷) 新店位置

本人好鐘意食魚，同食辣。所以成日都會周圍找辣魚食。今次男人話筲箕灣有間食水煮魚吾錯，所以專登去到咁老遠去試下啦。但食過之後...都覺慈雲 山是最好吃的水煮魚！～原來小甜甜分2間，飲酒同不飲酒選擇，如果打去訂座同一入去已經開口問飲吾飲酒。最後2個人叫左3樣野，2枝啤酒和1杯青檸樹。麻辣魚春煲係比較少地方會的餸，而我都係第一次食這個，比我心目中易入口，但其實都好油，但送啤酒最好選擇！1）麻辣魚春煲 $88：跟爐一起來，熱呼呼的辣味加上有炸過的魚春，很香口。但可能炸得吾太好，有一半都係爛了，但魚春碎吸了麻辣香更好味。而底部有蘿白和青瓜，因為都 吸了麻辣香有少許辣，但還有蘿白和青瓜的味道，不錯之選。2）水煮桂花魚 $198：水煮底部應該有的都齊，紅薯粉另上，可以吾會全部淋晒食吾到。桂花魚味道都滑，但可能太薄關係，好易爛。辣度一般，不叫十分出色。但勝在價錢合理。3）手拍青瓜 $32：太大舊，如果可以碎返少少入味之餘好易入口。最後食左2個幾鐘頭，味道整體好味道，價錢又合理。客人其實都吾少，2個鐘頭沒有空位，最好一係早點來（今次7點），如果吾係最好訂座為上！