Cafe Charm's (已結業)

Cafe Charm's午餐去西九龍中心，揀左呢間餐廳，可能早去所以冇咩人，可以坐窗邊。叫左幾樣野，手工和牛漢堡，芝士水煮蛋菇薯格，仲有水果茶同蜜桃茶。個手工漢堡好好味，漢堡既麵包係搽左牛油煎脆左，裏面漢堡扒好嫩，好有牛味，好好味，配埋個芥末汁好夾好開胃；另一個芝士水煮蛋菇都好出色，個蛋半生熟，個菇好大隻好多汁，好有鮮味而兩個菜分別都有薯條同薯格，兩款都各有特色，好有薯味，新鮮炸起，值得推薦。水果茶有茶香同水果香，唔會太甜，味道豐富；而個蜜桃茶亦好香蜜桃味，俾水果茶甜少少，但都ok, 兩款都可以再揀。總括而言，呢間餐廳既食物質數好高，值得推介。