仙跡岩 (至秀商業大廈)

營業中

休息中

同朋友出街嗰陣偶然路過，就入咗嚟試。點知所有方面都好差。首先上菜速度十分慢，叫完要等好耐， 可能因為廚房一次淨係煮一道菜，所以一次淨係上倒一道菜， 有朋友最耐要等45分鐘先有得食。 其次夥記嘅服務態度差，仲要上錯菜，叫嘢食嗰陣問咗少少嘢就黑口黑面語氣差， 但係自己上嘢飲嗰陣又叫錯嘢飲名。 然後仲要收錯錢， 原本收錢已經覺得畀多咗， 但係夥記堅持畀少咗，又唔肯數多次，畀完之後行出去計返條數先發現畀多20蚊， 返去同佢講又死口唔認話自己有數清楚。 最能接受係嘢飲入面有蟲，仲要唔係烏蠅嗰一隻，而係類似毛蟲嘅形狀，有好多隻腳嘅蟲，見到都反胃。