道頓堀御好燒專門店 (朗豪坊) (已結業)

今次係第二次去食呢間道頓崛，記得對上一次去拜訪既時候已經係上年既事了。 去左朗豪坊的分店，7點半左右已經有不少人排隊了，可能是因為星期天吧！一開始我地就選擇了呢個2人套餐，都幾抵，總共有7樣野。 因為成餐飯都好忙地燒野，沒有影到咩相。牛肋肉與帶子中規中矩，肉很薄，同帶子一樣可以事前煎煎來充饑。 因為之後整御好燒要一些時間。御好燒 我地選擇了道頓崛雜錦，等見到佢主要材料有椰菜粒、蔬菜、豬肉同蝦，每張台都有張指引卡講述左每個煎煮既步驟，而且有計時器，將麵糊撈好再放列鐵板上煎熟便可，然後淋上燒汁、蛋黃醬、海苔粉及鰹魚粉，就可以整到同出面買既味道一樣。廣島燒至於廣島燒其實是復雜版的御好燒而已，材料有肉有菜、蛋同麵，煎的時候要反幾次，將麵餅、蛋、炒麵跟足指示地一步步地煎好再放一起就完成了。當你完成到既時候真係好有成功感的！ 味道其實都差不多，感覺上只係多左炒麵。總括來講，呢2款既麵糊調配得唔錯，水份同面粉唔會太多，令麵糊可以係指定時間煎熟以達到不錯口感（要跟指定時間煎）。