銀杏館 (已結業)

睇完饒宗頤博物館既導賞團就索性係入邊食埋。地理上佢真係好隔sip。 歷史上黎講佢都係特登咁隔卜sip，以前做過隔離病院，監獄，精神病院等。。。雖然佢好近地鐵，但比條大馬路隔開左，加上地勢又高，完全唔覺自己係市區 講返12點去到已經差d無位，要同人搭台先有位。 坐底台面有一蘿餐具，一堆調味料同一支π水。 雖然唔知佢乜水，但唔似係水喉水，就繼續飲了。嗌主菜有送salad bar，任食沙律同中西湯。野飲要另嗌。葡汁耶絲雞飯: 都算入味，雞肉夠滑，大路食物。咖喱牛腩比特包: 個包幾特別，係淋身又好煙韌。咖哩汁有d稀，牛腩有d韌臨走like左佢個page順手拎走左一包曲奇。