影片
更多
2020-06-05
266 瀏覽
小弟第一次出po，淆淆地，揀返間食開lunch既飯堂黎攞個頭彩順便賀一賀佢裝修完之後感覺煥然一新~~牧羊少年喺葵芳都開左6-7年時間，由於位置剛好在食肆密集地帶的邊緣，而且旁邊就是開放式設計的葵青劇院，配合門前一大片難得一見的空地，一開始就成功吸引了一眾文青少年注意，喺葵芳呢個舊區中成功跑出！當然，如果食物質素冇返D保證，又點能夠喺「新都會 X 葵廣」兩大熱點夾擊下成功生存呢？小弟個人黎講係好鍾意食好西...餐，Burger/意粉/Pizza/薯條...等等肥到爆既都係我至愛而我最常食既，就係呢度既意粉喇！！就好似今日介紹既明太子鮮蝦意粉，雖然望落去份量細細，但鮮蝦份量十足，明太子加芝士粉調味，仲有三文魚子作為配襯，淨係講口感都夠回本有餘~ 牧羊少年既意粉一向都偏向彈牙煙靭同埋較為粗身，鞋鞋地既質地會容易D沾滿醬汁，所以我都好鍾意佢既意粉~至於大家鍾意與否真係視乎各人口味了~牧羊少年另一個賣點，就係佢充滿誠意既果茶喇！(因為我對咖啡冇乜心得) 平時午餐係包一杯凍果茶的，而佢地果茶既質素，都非常唔錯~ 主要飲到果味既清甜而唔係糖漿既味道，作為文藝中...err...青年，呢種甜度真係啱啱
牧羊少年喺葵芳都開左6-7年時間，由於位置剛好在食肆密集地帶的邊緣，而且旁邊就是開放式設計的葵青劇院，配合門前一大片難得一見的空地，一開始就成功吸引了一眾文青少年注意，喺葵芳呢個舊區中成功跑出！
當然，如果食物質素冇返D保證，又點能夠喺「新都會 X 葵廣」兩大熱點夾擊下成功生存呢？小弟個人黎講係好鍾意食好西...餐，Burger/意粉/Pizza/薯條...等等肥到爆既都係我至愛而我最常食既，就係呢度既意粉喇！！就好似今日介紹既明太子鮮蝦意粉，雖然望落去份量細細，但鮮蝦份量十足，明太子加芝士粉調味，仲有三文魚子作為配襯，淨係講口感都夠回本有餘~ 牧羊少年既意粉一向都偏向彈牙煙靭同埋較為粗身，鞋鞋地既質地會容易D沾滿醬汁，所以我都好鍾意佢既意粉~至於大家鍾意與否真係視乎各人口味了~
牧羊少年另一個賣點，就係佢充滿誠意既果茶喇！(因為我對咖啡冇乜心得) 平時午餐係包一杯凍果茶的，而佢地果茶既質素，都非常唔錯~ 主要飲到果味既清甜而唔係糖漿既味道，作為文藝中...err...青年，呢種甜度真係啱啱好！如果你係夏天坐喺戶外區域食飯既話，有杯咁既冰果茶，絕對會係一大享受~
如果大家有興趣黎試一試，等我分享一下呢度既搵食心得啦~!!
早D黎攞位：平時lunch大概要等4-5張枱，等候時間大概10-20分鐘 (特別係夏天想坐入面有冷氣既地方)
食物組合：意粉+冰茶 (夏天)；意粉+英式茶 (冬天)；All Day Breakfast都非常唔錯架~
個人喜好，不太喜歡呢度既飯類+漢堡類，原因...下次有機會寫我鍾意食既漢堡條件先講啦~
明太子鮮蝦意大利粉
$81
18 瀏覽
0 讚好
0 留言
9 瀏覽
0 讚好
0 留言
張貼
