西關老祖 (文苑樓)

營業中

休息中

佐敦渡船街附近最近開咗一間小食店，個名叫西關老祖，走進呢條小小嘅文苑街上，你就會發現柳暗花明又一村。小店主要做外賣為主，門外擺設亦甚有特色。呢度都不乏自家製招牌菜。想試嘅朋友請注意，呢度係唔收現金。店內設有自助點餐機，可以有多種電子支付方式付款。我從來食嗰方面都係貪心，所以都點咗幾樣招牌菜試吓，其中呢個炸黑毛豬肉粽炸得非常香脆，覺得好似食緊薯餅咁，而糭入面嘅綠豆蓉經過油炸之後變得外脆內軟，絕對值得一讚！爆炒XO醬腸粉用上潘記腸粉，再配合佢哋嘅自家製XO醬，入面有蝦米、干貝、金華火腿、銀魚仔、仲有唔同調味醬料混合而成，甚有風味。爆炒XO醬蘿蔔糕嘅蘿蔔糕同樣係佢哋自家製，配合佢哋自家製嘅XO醬同樣有特色。老祖黑松露炒蛋炒得夠滑，而且仲有大量黑松露，滑蛋中啖啖滲透住黑松露嘅香味。估唔到一間小食店可以做埋盆菜，下次屋企有party或者要做節都可以考慮吓。