Laffee (已結業)

小朋友考完試，我諗係時候比媽媽們休息下！約朋友嚟食個tea,絕對係不二之選！揾間向屋企附近又有feel嘅cafe,我哋嚟到好有文青風嘅《Laffee》呢度好多打卡位影靚相！🥰🥰一坐底就叫咗嘢飲先，因為太口渴喇！我叫咗壺凍嘅水果茶解吓渴，朋友就叫咗杯桂花latte! 🍹｜水果茶｜冰凍解渴，而且滙集咗唔同嘅水果-有火龍果、橙、士多啤梨！簡直涼透心！個茶壺賣相又特別，飲時連視覺效果都滿足到！☕️｜桂花latte｜朋友話有淡淡桂花同薑味，有種清新感！因為太熱，我哋叫咗個好健康嘅沙律🥗同窩夫🧇🥗｜燒北海道帶子藜麥香橙沙律｜好鍾意呢個沙律，個salad dressing我好喜歡💕小小酸味味，再配埋煎到脆味可口嘅帶子同鮮橙，係有種好清新又夠搭嘅味道！連埋藜麥，成個沙律就變得相當健康，食多2啖都唔怕啊！🧇｜焦糖香蕉配朱古力雪糕窩夫｜一見到窩夫不由自主咁點咗嚟食！未食都幻想到幾咁吸引，一放上枱係不由自主要食咗佢先😄香蕉+朱古力點都係絕配，仲要係雪糕，真係一吃停唔到口😝😝