Pause It (已搬遷) 新店位置

下午約咗朋友聚一聚，聽講旺角都有好多文青cafe 影相打卡一流，呢間pause it 就正合心意。下午四點幾都多人，黑白風格夠哂簡約。裏面仲有乾淨廁所位，夠哂貼心。menu 亦好清晰。都見好多人叫薯條，望落好吸引，但呢排太熱氣，轉食炒蛋牛油果多士夠健康。個多士估唔到咁好食，配埋啲牛油果醬，個多士食落仲脆。另外叫咗黑松露芝士意大利飯，好香芝士加黑松露。講到飲品，呢杯棉花糖焦糖朱古力真係飲完令人充滿活力，上面好多棉花糖，好開心。最後叫咗杯竹炭鮮奶咖啡，好香嘅鮮奶味，加上淡淡咖啡香。成杯黑色夠哂吸精！