燒味滷師 (安發大廈)

營業中

休息中

奶奶成日煮飯咁辛苦，一星期總會有一日斬料返去，等佢淥條菜就可以開飯！呢間燒臘店係比較現代化，感覺上衛生好多，而且有幾間分店，質素絕對有保證！睇返Menu，有好多優惠item，師奶仔如我，當然唔會放過呢啲優惠啦！二百幾蚊已經有三樣嘢，以六人家庭嚟講，都一定夠食！豉油雞(一隻)～夠味、肉厚且嫰！雞味香濃，絕對值得一讚！叉燒(半斤)～叉燒通常都要半肥瘦先好食，但現代人要求健康，唔敢食咁肥，所以叫咗師傅揀啲偏瘦嘅俾我！但竟然完全冇乾柴柴嘅感覺！口感仲很ok添！燒鵝（半隻）～燒鵝既肉香，無嘢可以代替，皮薄同時亦都厚肉！配埋醬汁簡直一流！