影片
更多
2013-05-14
68 瀏覽
1月13日, 星期日晨早流流咁早起身, 都係為咗去行一個山~ 行山之前出到灣仔搵個靚早餐食, 呢條春園街有間金鳳出晒名就係人都知, 不過原來喺正佢對面開咗間明星店, 之唔係撻住米佐治個朵, 近期大hit嘅林子善開嘅冰室~ 同樣又係sell滑蛋呀, 經典茶餐呢d野, 所以見都係差唔多嗰d野, 我地就試下啦~::: 牛油厚多士 + 招牌千層炒蛋 + 鮑魚火腿通粉 + 茶走 ::: $28多士同炒蛋望落唔錯, 多士半燶得嚟又唔會太黑, 只不過牛油份量極少, 只夠搽一搽中間嗰部份. 炒蛋好似有d蛋汁咁, 幾滑~ 但係食落見到個蛋一層一層分開, 唔可以算係整個去炒到均勻, 食到蛋中間好乾, 同樣地蛋味亦欠奉…鮑魚火腿通粉上面加上d魚翅咁, 都知係整色整水啅頭野, 呢d罐頭貨色都係整完個通粉加上去, 格格不入… 整個通粉都普通, 唯一可取係個湯底有少少忌廉, 有d味咁啦, 否則鮑魚絲、火腿絲、素翅呢d冇乜味嘅野更加淡口…茶走煉奶重手咗, 整個奶茶都好杰, 有奶味而冇茶味.::: 牛油厚多士 + 招牌千層炒蛋 + 沙爹牛肉通粉 + 凍奶茶 ::: $32 + $3呢件厚多士烘得都算唔錯, 不過牛油就
::: 牛油厚多士 + 招牌千層炒蛋 + 鮑魚火腿通粉 + 茶走 ::: $28
多士同炒蛋望落唔錯, 多士半燶得嚟又唔會太黑, 只不過牛油份量極少, 只夠搽一搽中間嗰部份. 炒蛋好似有d蛋汁咁, 幾滑~ 但係食落見到個蛋一層一層分開, 唔可以算係整個去炒到均勻, 食到蛋中間好乾, 同樣地蛋味亦欠奉…
鮑魚火腿通粉上面加上d魚翅咁, 都知係整色整水啅頭野, 呢d罐頭貨色都係整完個通粉加上去, 格格不入… 整個通粉都普通, 唯一可取係個湯底有少少忌廉, 有d味咁啦, 否則鮑魚絲、火腿絲、素翅呢d冇乜味嘅野更加淡口…
茶走煉奶重手咗, 整個奶茶都好杰, 有奶味而冇茶味.
::: 牛油厚多士 + 招牌千層炒蛋 + 沙爹牛肉通粉 + 凍奶茶 ::: $32 + $3
呢件厚多士烘得都算唔錯, 不過牛油就搽得求其咗d, 而且份量亦都唔夠搽晒成件多士… 好在多士咬落都算鬆化… 千層炒蛋就擺到明唔係sell滑身架喇~ 不過呢件疑似卷蛋嘅物體食落其實有d乾, 蛋汁勉強都叫做有, 但口感都係偏嚡…
沙爹牛肉通粉雖然都係普通通粉, 但主角驚喜地用上牛柳肉去做! 牛柳醃得香口惹味, 肉味濃之餘肉質亦有彈牙感~ 湯底沙嗲味濃淡適中, 加埋d甜甜粟米又幾配~
凍奶茶大大杯, 唔知係咪我叫咗少甜少冰, 茶同奶比例拿捏唔到… 奶味較重茶味又稍澀… 睇嚟喺飲品方面要比d心機研究下!
其實見林生都幾落力, 喺樓面見到佢又收錢, 又落單咁, 又會篤促下屬… 不過間茶記已經唔大, 仲要嗌嚟嗌去, 好嘈… 一早又已經話呢樣冇, 嗰樣暫停, 成個menu差唔多冇咗一半, 準備咁唔充足係唔得架… 不過都見到唔少上咗年紀嘅女性一班嚟食, 睇嚟都係d嚟睇明星嘅蕃薯, 證明林生嘅明星效應始終係有d嘅~ 環境方面, 呢度實在唔夠地方, 座位迫陜得嚟張枱又唔夠大, 只比對面金鳳好dd但係都不相伯仲.
最後有一段對話幾好笑, 有一位女士入嚟坐低, 林生好似認得佢咁禮貌打個招呼, 女士回應佢尋日都有嚟, 林生再問位女士食乜, 女士話同尋日一樣啦, 點知林生話一日真係太多人嚟, 佢唔會記得… 其實應該都係亂打個禮貌招呼咋卦… 我地忍笑忍咗好耐~~~
張貼
