漢拏山烤肉 (已結業)

月頭出糧，當然要買份禮物送俾媽媽作為母親節禮物，以慰勞媽媽。最後，買完我又係要捱窮一個月☹️突然想食韓燒，叫左媽媽請，去左京都廣場既漢拏山烤肉，餐廳環境不錯，枱與枱有足夠空間，整體都幾舒服。服務態度很好，店員得有禮貌，上菜速度快，大概5分鐘就上菜。而且賣相味道不錯。午餐叫左個泡菜豬肉定食同埋人參雞湯。首先前菜講起，泡菜，芽菜同茄子食完可以再添，而且唔會整到好碎。蒸蛋十分滑溜，就算係硬身蒸蛋亦唔會變得好"鞋"。海帶湯中亦有很多海帶，材料十足。而主菜泡菜豬肉很野味，份額十分多，不會太辣，就算平日不太食辣的人也可以一試。味道比較濃，就咁食有啲咸，但送飯食就剛剛好。餐飲士多啤梨梳打亦十分清新，酸甜醒胃又解喝。而總結所有食物嘅份量都十分多，食完十分十分飽。