影片
更多
2018-09-03
69 瀏覽
是咁的~身為半個元朗人呢排發現左有間新開嘅日本野口碑唔錯 加上睇過價錢都好似好抵食咁既然黎到元朗就同埋女朋友仔黎試試lunch試下水溫先大約點半黎到 唔知係咩因為落雨定鋪頭新開 都唔算多人 店鋪坐位唔算多但係裝修格局都企企理理Lunch有套餐 我就叫左個精選魚生丼 我諗應該係睇果日有咩新鮮就有咩食 女朋友仔就加左個牛肉壽喜燒 俾多十蚊仲可以加份烏冬tim跟餐會有湯同沙律送 通常呢d日本野送嘅沙律一係就係青瓜蟹籽 一係就沙律菜 呢到嘅沙律竟然係蛋沙律 而且一d都唔hea 蛋黃係額外刮左出黎加d黑椒 少少沙律醬咁攪再撈番d熟蛋白 咁樣令到蛋黃個口感冇咁乾 creamy得黎又有黑椒吊味 都幾好食個三文魚湯仲正 飲落好香好鮮甜 冇魚腥味 飲飲下發現原來廚師加左南瓜一齊整個湯 大家聽落都覺得奇怪 三文魚頭/骨湯通常都係落白蘿白炸啫 南瓜好似唔係咁match 我都唔知點解釋 但呢碗湯真係特別好飲 唔係味精/糖果種死甜 所以加南瓜可能就係個秘訣好喇講番個刺身飯先 咁足料都係講緊68蚊 有甜蝦 三文魚籽 三文魚同腩 油甘魚兩片 同劍魚腩 68蚊有呢d食已經超值 而且用料都好新解 甜蝦新鮮俾埋個頭你睇
大約點半黎到 唔知係咩因為落雨定鋪頭新開 都唔算多人 店鋪坐位唔算多但係裝修格局都企企理理
Lunch有套餐 我就叫左個精選魚生丼 我諗應該係睇果日有咩新鮮就有咩食 女朋友仔就加左個牛肉壽喜燒 俾多十蚊仲可以加份烏冬tim
跟餐會有湯同沙律送 通常呢d日本野送嘅沙律一係就係青瓜蟹籽 一係就沙律菜 呢到嘅沙律竟然係蛋沙律 而且一d都唔hea 蛋黃係額外刮左出黎加d黑椒 少少沙律醬咁攪再撈番d熟蛋白 咁樣令到蛋黃個口感冇咁乾 creamy得黎又有黑椒吊味 都幾好食個三文魚湯仲正 飲落好香好鮮甜 冇魚腥味 飲飲下發現原來廚師加左南瓜一齊整個湯 大家聽落都覺得奇怪 三文魚頭/骨湯通常都係落白蘿白炸啫 南瓜好似唔係咁match 我都唔知點解釋 但呢碗湯真係特別好飲 唔係味精/糖果種死甜 所以加南瓜可能就係個秘訣
好喇講番個刺身飯先 咁足料都係講緊68蚊 有甜蝦 三文魚籽 三文魚同腩 油甘魚兩片 同劍魚腩 68蚊有呢d食已經超值 而且用料都好新解 甜蝦新鮮俾埋個頭你睇 冇發黑就知係新鮮野 三文魚同腩雖然唔係厚切但都鮮甜肥美 油甘魚就更加就色 油甘魚獨特嘅魚油香真係好正 用黎左刺身飯真係好match不過劍魚腩就有d敗筆喇 冇腩位嘅香味亦冇魚肉嘅香味 而且食落都有一大舊筋喺到 可能咁啱切錯俾我 呢塊就有d fail扣左少少分喇
牛肉壽喜燒份量多到..另加嘅十蚊烏冬亦係大大碗 睇圖以為冇咩牛肉？咁就錯喇 係真係太多配料遮住左啫 牛肉俾左好多 上枱時啱啱好熟左 而且牛味濃唔會太多肥肉 令個湯仍然能夠保持清甜唔油膩 配料有紹菜 白菜仔 冬菇 金菇 蟹柳 大蔥 仲有隻唔記得咩名嘅菇 健康得黎又唔會冇味 熱辣辣咁食好正個烏冬亦唔差 雖然唔係手打咁煙un 但都唔會好快浸到淋曬 仍然保持到口感 本身配嘅湯偏甜 配冷烏冬咁食就應該好正 不過呢個熱烏冬應該要配番個咸味嘅湯 所以我地就將d烏冬放曬落牛肉鍋到食 果然好正
總括黎講 呢間新開嘅日本野好正 環境唔錯（廁所非常乾淨 企理）野食又好味又抵食 下次要黎食晚餐
p.s.好多日本野嘅lunch都唔洗加一 不過呢間就要喇 所以大家要留意番
張貼
