新嚐泰泰國餐廳

營業中

休息中

今晚收工去左試新餐廳，地點係灣仔石水渠街既新嚐泰泰國餐廳，係新開既。餐廳位於街市附近，入口係住宅大廈，然後搭lift上一樓。入面有壁畫，裝修都幾有特色。餐牌有前菜，沙律，湯，主菜，甜品，蔬菜，咖哩，麵飯，飲品。今晚第一次黎，叫左兩道主菜加一個炒菜。曼谷海南雞 一隻 $190 另加一曼谷海南雞賣相不俗，用隻鴨仔碟上枱。雞肉暖暖地，皮滑骨已去。雞脾肉特別好食，超滑。點伴碟既辣醬好惹味。下底墊有生菜一大片。冬陰功湯爐蒸脆炸烏頭魚 $188 另加一冬陰功湯爐蒸脆炸烏頭魚用個魚形碟用爐頭熱住上枱。條魚炸得好脆皮，肉質都算嫩，真係可以連骨食，味道口感都唔錯。個湯酸辣度剛好，好惹味。配料有好多秀珍菇，車厘茄同椰菜。當然仲有香茅，辣椒，芫荽等，味道更香。另上一碗更濃既冬陰功湯，有香茅同芫荽蔥，味道酸酸辣辣好開胃。馬拉盞炒菜 $80 另加一可以揀通菜，芥蘭或者椰苗。我地揀咗芥蘭。芥蘭撈埋辣椒，洋蔥同脆脆一齊炒，辣辣地好惹味。食完唔覺油。椰汁冰 $40 另加一呢個椰汁冰係一大jar，估唔到份量咁多。 飲落又香又滑，味道好好，叫左少冰，冰分量唔會太多。兩個人share都夠飲。今餐所有野都好食，坐到窗邊卡位，