隼 (已結業)

今日去左Megabox 列車主題既～隼～食壽司🍣餐廳用新幹線列車送餐，超可愛。近排又係食蟹既好時間，見呢個軍艦大滿足有蟹肉蟹膏壽司，即點🤤。佢另外仲有芝士蟹籽，芥末八爪魚，三文魚籽，蔥吞拿魚腩，有齊晒我想食嘅壽司，nice。和牛壽司，兩塊大和牛，入口即溶。鵝肝壽司，好香口，唔會太膩。我好鐘意左口魚，魚油香豐富，試哂有芝士同無芝士口味，一樣正。粟米沙律福袋，甜腐皮盛住滿滿既票米。仲有呢度啲小食都好吸引，有我最鐘意食既芝士年糕，超煙韌Q彈又香口。雞骨腸啖啖肉。芝士海膽烏冬，啱哂芝士控嘅我，烏冬掛滿芝士。最後食芝士蛋糕甜品真係超滿足。