鼎爺私房菜 (已結業)

冬至、新年食團年飯🍲，好多人都會諗到食盆菜，意味一家人盆滿缽滿、團團圓圓👨‍👩‍👧‍👦~圍埋一齊食特別滋味😋！咁有氣氛當然要熱熱鬧鬧咁約埋一大班美女們👯‍♀️開心share啦！鼎爺私房菜出品嘅「新春手工盆菜」，有十八款精選菜餚，而且仲要全手工精緻巧手設計，加上以南乳等多款食材而成的古法秘製上湯汁，只係見到都已經留晒口水🤤啦！花膠釀雲吞外型像福袋嘅花膠入面係包住蝦膠、豬肉，之前阿爺廚房都聽過鼎爺煮法，今次真正食落口，個口感真係好震撼，爽口彈牙仲有鮮肉香感。肉蓉釀海參肥厚飽滿嘅海皇刺參口感爽滑，釀入🦑墨魚滑、甘筍、馬蹄，等，口感鮮甜豐富。龍穿鳯凰翼非常有心思的配搭~ 去骨啖啖肉，漲卜卜勁juicy~潮汕海蝦棗炸到金黃色，浸一浸醬汁就可以食，保留內裡海蝦肉鮮味，外脆內軟。原隻鮮鮑魚6人份量一人一口鮑，口感煙韌，鮮甜美味。其他食材：．茄汁大虎蝦🦐．阿爺靚豬腩🐷．馳名醬油雞🐔．一品大瑤柱．千足金豬皮．天津大甘栗．發財炆支竹．荔甫靚芋頭．古法炆蓮藕．精選甜蘿蔔．包金黃芽白．一級鮮冬菇．翡翠鮮豆卜用料絕不馬虎，其實佢個醬料係非常入味，亦都唔會話好咸，有啲人鍾意食完盆菜到中段就轉做打邊爐，呢個醬料就算加