榮發風味美食餐廳

營業中

休息中

尋晚除夕去左朋友屋企玩遊戲同countdown。 通宵過後😴，我地晏就黎左曉麗苑依間街坊茶記醫肚仔。依間茶記無論咩時間都好多人棒場，今日都唔例外，要等位呢。 早、午、下午茶及晚餐都多選擇。 我點左份香茅豬扒配通粉。豬扒即叫即炸，金黃香口，大大塊！肉質都算鬆化； 還有火腿奄列煎蛋！ 大大份好抵食！有紋通粉最岩我口味；仲有半塊厚切烘底牛油多士！ 好飽足😋 配埋最愛既熱朱古力！ $38 抵食又好味，令人滿足既好開始。