PizzaExpress (高安閣) (已結業)

臨近新年食團年飯但又唔想自己煮，咁岩見到PizzaExpress最近出咗新年精選套餐，所以就去叫咗個四人套餐外賣拎返屋企食。烤蜜桃油封鴨腿油封鴨腿大大隻好吸睛，而且醃得又好食，紅酒油醋汁同烤蜜桃、牛油果、紅洋蔥、合桃、沙律菜等等味道好match，酸酸甜甜，清新開胃。南瓜花西班牙腸桂花薄餅聽到個名都覺得好特別，食落更加有驚喜! Pizza上面放咗南瓜花，而南瓜花入面釀咗南瓜蓉，甜甜地幾好味。忌廉XO醬蝦肉粗管通粉呢個fusion菜係XO 醬配芹菜的粗管通粉，加埋蝦肉、少許忌廉、紅洋蔥、青辣椒一齊炒，令到每條粗管通粉都好夠味，蝦肉亦都好爽口彈牙。意式青口海鮮湯蕃茄海鮮醬味道濃郁，而且有好多青口，隻隻都脹卜卜，仲有少少蒜蓉和新鮮羅勒嘅味道，配埋芝士脆包蘸湯食好正!烤焗雞翼小朋友至愛小食，雞翼唔油膩，仲可以蘸蜜糖芥末醬一齊食。焗麵包球配朱古力榛子醬平時堂食都成日散叫，好鍾意佢個焗麵包球煙煙韌韌，蘸埋Nutella一齊食即刻變甜品。