囍越 (將軍澳中心)

營業中

休息中

由於喺附近工作嘅關係，所以收工近近哋就試下喺將軍澳中心新裝修嘅越式餐館。 近年尾，對自己好啲，所以同朋友一行二人叫咗一餐非常豐盛嘅越式晚餐。頭盤有軟殼蟹米紙卷 ，個人覺得味道唔夠濃，不過作為頭盤，清清地，都不失為一個好嘅選擇。同朋友一人叫咗一個主食，我試咗豬頸肉檬粉。豬頸肉另上係一個扺讚嘅做法，湯底都有好濃。朋友個蕃茄湯底海鮮檬粉味道亦都非常特別，唔太識形容，但係應該適合香港人接口味。 同場叫咗一個凍椰青 ，係拼炸蝦餅嘅好涼拌。最後作結嘅係芒果糯米飯，最鍾意佢白色嘅糯米飯，口感煙韌，不過就嫌佢嘅椰漿唔夠多，所以另外叫侍應畀多咗一兜我哋。值得提一下嘅係服務員嘅態度，餐廳都算多枱，但係服務員嘅比例都高，所以上菜點菜都幾有效率。總括而言， 係將軍澳區嘅一個越南菜新選擇。