ToriHachi (已結業)

見到有新店開張，即刻同個胃食同事入去試下啦。鋪頭雖然細細地，但環境總算坐得舒服。我哋兩個都想試牛扒丼飯，落單都等咗一陣先有得食。服務員送上餐盤，除了個牛扒丼外，個餐盤上仲有忌亷蠔湯，薯仔沙律，芝麻醬菠菜，同一隻温泉蛋。先講個蠔湯，湯不夠熱，有蠔味，裡面有d粒粒以為係蠔粒，食落去第一下有d覺得好似生粉獻汁未攪渾嘅感覺，之後落有點似年糕嘅物體。我無問服務員係乜，留待大家試下!薯仔沙律，上碟外觀精緻，佢個邊白色嘅醬原來係芝士汁，幾好食，估唔到同薯仔沙律好夾下芝麻醬沙律賣相也不錯，不過冇乜特別。好啦，終於食主菜了。服務員話要張温泉蛋倒入個飯到食。個飯撈蛋連汁食唔錯，仲好大碗，食唔晒。但牛扒就一般，以為好淋身，仲有d蘇味，我同個牛魔皇同事都覺得麻麻，有d失望，畢竟個set lunch都＄248(未加一)。