泓 (已結業)

屯門新墟一帶係美食集中地，嚟過數次而最深刻係有個懷舊到爆嘅舊式商場GoGoMall。泓係同區唯一一間主打席前日式鐵板燒嘅餐廳，target 居民食客所以定位夠晒平民貼地。就Lunch份量而言，席前鐵板餐鮑魚牛柳套餐份量剛好，鐵板燒方面車海老鮑魚都好新鮮，特別係海老頭超多膏！五成熟美國安格斯牛柳火候控制得幾好，特別係中心位置色澤粉嫩。至於配菜嘅炒野菜同結尾嘅櫻花蝦炒飯係完滿句點，生果就去去油膩，午餐嚟講都算係捧腹而歸。