京滬佳餚 (The LOHAS康城) (已結業)

康城呢一個商場開咗冇耐，入邊都有陸陸續續嘅食肆登陸，今日好想食中菜，所以就試吓呢一間京滬佳餚，呢間仲要有主打嘅京滬香酥烤鴨添，即係片皮鴨，好期待呀😆😆一坐低，店員就上咗茗茶，同埋前菜，呢度嘅環境都好大好光猛，幾舒適，好適合一大班人傾偈！首先我哋試咗小食，爆汁牛肉煎餅👍🏻呢一個真係十級好食，熱辣辣咁樣上，咬落係超多肉汁，不過真係小心辣口，煎餅亦都外脆內軟，有一啲生煎包嘅感覺，好正😍之後就叫做多個京滬擔擔麵呢一度嘅擔擔面花生醬味唔出，應該唔係落咗好多，反而就係香辣多啲，個湯飲落都唔錯，又唔會話好辣，之後麵質都彈牙，係幼麵嚟嘅😣之後其中一個主菜我哋嗌左松鼠黃魚原條黃魚炸好咗咁樣上，再淋啲酸甜汁，黃魚食落脆卜卜，香口十分，又不失魚味，而佢酸酸甜甜嘅汁，送白飯真係一流，所以最後都忍唔住加個白飯🤣🤣主角嚟啦，亦都係我今晚最期待嘅烤鴨🙈依個係半隻嘅份量，店舖比嘅包皮都有十塊，岩岩好夠食，皮都算薄。店舖將鴨皮同埋鴨肉分開後，睇鴨皮都睇到係油香滿溢，鴨味香濃👍🏻而醬料同埋配菜，呢度除咗有普通嘅甜面醬，仲有蒜蓉同埋砂糖，呢兩樣嘢都係店員建議加埋一齊食嘅😆我就覺得加砂糖食可以中和一下鴨皮嘅油膩，同時又會食到