燒串煲 (已結業)

餐廳有串燒同雞煲食，一次過滿足兩個願望我一向都好怕油煙味，但餐廳抽風做得好好，食串燒食足3個鐘個身一d味都無食物方面，海鮮絕對係必食！燒鱔肉厚，皮脆肉滑，蟶子同元貝大大隻，肉汁鮮美，好抵食！另外，燒牛舌亦相當出色，香口得黎口感爽嫩。其他食物例如茄子、魷魚筒、菠蘿等，質數都唔錯。至於雞煲份量十足但沒有太大驚喜，由於天氣太熱我地亦無叫火鍋。餐廳唔算大，但都可以坐得耐。店員服務好好，會過來問下意見又會推介下食物。整體感覺良好，會再幫襯！