影片
更多
2022-09-21
465 瀏覽
去完科學館睇恐龍展，本來打算喺附近搵間茶餐廳坐低，食個下午茶餐，點知有人話想四圍逛下，發掘一啲平日較少機會會接觸到嘅美食。途經麼地道，見到有間黃色門面嘅土耳其手卷專門店。餐廳主打外賣，不過店內亦設有少量座位以供客人作堂食。細看餐牌，除了 Kebab 外，原來餐廳仲有轉轉燒肉、烤肉串、沙律、薄餅、土耳其特色燒雞等供應，選擇都幾豐富。見到廚房內層層疊嘅烤肉不停地轉動，而且還不時傳來陣陣肉香，非常吸引，今日就一於換下口味！由於大家都好肚餓，所以我哋每人都揀咗一盒飯，另外再加咗一份什錦果仁千層酥同飲品。土耳其香烤羊肉丸配 飯&沙律 ($98) 肉丸有 4 大塊，搓成餅狀，外層煎至香噴噴，肉質紮實又有彈性，入口羊味非常突出，散發住陣陣羊肉獨有嘅羶香。旁邊嘅沙律菜，用料好豐富，有番茄、紅蘿蔔、生菜、青瓜同洋蔥，用嚟配肉丸食，清爽又解膩。至於另一盒轉轉燒雞肉 配 飯&沙律 ($68) 味道亦一流，雞肉好嫩滑，食落一點也不乾柴，入口帶點香料嘅微辛，加上份量十足，把飯面完全遮蓋，夾埋旁邊酸酸甜甜嘅沙律一齊食，勁飽肚。另外呢款什錦果仁千層酥 ($28) 口感亦非常特別，據說係土耳其嘅一種甜食，以多
途經麼地道，見到有間黃色門面嘅土耳其手卷專門店。餐廳主打外賣，不過店內亦設有少量座位以供客人作堂食。
細看餐牌，除了 Kebab 外，原來餐廳仲有轉轉燒肉、烤肉串、沙律、薄餅、土耳其特色燒雞等供應，選擇都幾豐富。
見到廚房內層層疊嘅烤肉不停地轉動，而且還不時傳來陣陣肉香，非常吸引，今日就一於換下口味！
由於大家都好肚餓，所以我哋每人都揀咗一盒飯，另外再加咗一份什錦果仁千層酥同飲品。
土耳其香烤羊肉丸配 飯&沙律 ($98) 肉丸有 4 大塊，搓成餅狀，外層煎至香噴噴，肉質紮實又有彈性，入口羊味非常突出，散發住陣陣羊肉獨有嘅羶香。旁邊嘅沙律菜，用料好豐富，有番茄、紅蘿蔔、生菜、青瓜同洋蔥，用嚟配肉丸食，清爽又解膩。
至於另一盒轉轉燒雞肉 配 飯&沙律 ($68) 味道亦一流，雞肉好嫩滑，食落一點也不乾柴，入口帶點香料嘅微辛，加上份量十足，把飯面完全遮蓋，夾埋旁邊酸酸甜甜嘅沙律一齊食，勁飽肚。
另外呢款什錦果仁千層酥 ($28) 口感亦非常特別，據說係土耳其嘅一種甜食，以多層酥皮再配上什錦果仁，如杏仁、開心果等製成，味道雖然係非常之甜，但入口有種奶酥香味，值得一試。
張貼
