倪姐泰國美食 (已結業)

同朋友來到九龍城食泰國菜，今次揀咗黎呢間，雖然店舖細細，但人就有好多。7點半去到等咗15－20分鐘就入得。首先當然要來個椰青先啦，食泰國嘢除咗啤酒，又點可以無椰青呢，呢個椰青夠凍，正！跟住落嚟就係必食嘅炸蝦餅，肉質鬆軟，點上絕配嘅甜酸醬，讚！燒牛肉薄薄的，口感嫩嫩的，好有牛味，比起出面無咩牛味相比，真係出色好多 船河：湯底好濃，上面係炸豬皮，我第一次食船河，河粉剪到碎碎咁，好得意，啱晒我最鐘意有羹食嘢，哈哈！軟殼蟹粉卷：坦白講如果淨係食個粉卷係無咩味道嘅，但勝在附上嘅醬汁甜甜辣辣好嘢味，同軟殼蟹好夾！燒帶子：麻麻地，好細粒。。 PAD THAI: 薄薄嘅蛋皮包住pad thai, 上面灑上花生粒，唔好睇佢成個碗型，好似好少咁，但撩開真係夠4個人食架。馬拉盞炒芥蘭：唔洗講每次食泰國嘢都會叫嘅馬拉盞炒菜，無失望，好香串燒沙嗲(雞肉，豬肉，雞腎): 好好味，沙嗲醬甜甜的，必食呀！下次來要試下佢個火鍋仔先得，見好多人食，價錢又唔貴。唯一一樣要挑剔嘅就係唔夠店舖職員，成間舖頭得2個人走走笛笛，成間鋪full晒，可能要搵多個幫手啦。