第八站咖啡廳 (已搬遷) 新店位置

呢一間餐廳係新開嘅， 咁個場我覺得正正常常， 而且坐得都幾舒服 ，咁講多無謂，大家睇我食咗啲乜:例湯係蘑菇湯： 咁蘑菇湯我覺得呢個都係正正常常，at least佢個蘑菇湯都有啲Mushrooms，而且都有蘑菇味，所以例湯嚟講我覺得ok。日式和風沙律菜: 沙律菜汁同埋菜我覺得都幾好，都係幾新鮮，汁亦都調理得唔錯，不過就比較細碟啲，如果大少少嘅話我覺得會好啲。吉列炸蝦配薯條： 個炸蝦薯條我覺得都唔錯， 其實薯條係薯角鍾唔鍾意就見仁見致，咁我本人就幾鍾意食薯角多過食薯條。 炸蝦炸得唔錯唔算多油。無骨黑毛豬柳扒: 呢個黑毛豬佢切起上嚟肉質軟熟， 其實都幾考廚師嘅功夫 ，同埋食個豬肉嘅時候，啲肉汁喺口腔到出曬嚟， 喺豬扒個面上有少少香味,口感同個肉質出哂嚟。 不錯!食埋個朱古力心太軟同飲埋杯檸檬茶就閃人， 咁其實佢杯凍檸茶到幾抵嗌嘅，因為都係大大杯，咁如果大家行去旺角呢頭，咁可以試一試下佢嘅黑毛豬， 本人覺得唔錯。