Sleepyhead

營業中

休息中

經過見到新開的chill coffee shop, 佢啲咖啡好特別咁，仲要有set! 叫左黯然銷魂菠蘿叉燒三文治同蔥油雞三文治，飲品叫左lemon tea 同grapefruit black tea tonic。黯然銷魂菠蘿叉燒三文治係以菠蘿包夾住叉燒，青瓜同蛋口感創新，菠蘿包皮脆，叉燒夠瘦，又唔會靭，香口，蛋配有香蔥松露嘅味道，加上一片酸瓜中和左叉燒嘅油膩感，食落大滿足！ 配喺旁邊嘅沙律揀咗咖啡油醋汁，同沙律好配合，同埋出邊比較少呢個醋，建議揀呢一個醬汁配沙律！蔥油雞三文治，都係配有菠蘿包皮連乾蔥同生菜，中間個醬好有蔥味，雞肉夠juicy 唔乾，好好味！ 配喺旁邊嘅沙律揀咗柚子檸檬汁，柚子味比檸檬味重，好開胃，較日式風味。grapefruit black tea tonic 的茶底濃，有淡淡西柚味，唔會太甜，清新得黎又有濃濃茶味！ 即使檸檬茶都係黑茶底，茶味較濃！ 西式的檸檬茶！ 整體三文治都幾大份，味道好，飲品都係以茶底或咖啡為主！