山水清湯腩

營業中

休息中

行經油麻地佐敦附近見到間新開嘅清湯腩同食麵嘅店，見到舖頭都幾光猛幾多人就入去食個夜晚。 舖頭環境坐得舒服燈光夠光猛，餐牌上麵同飯都有唔少選擇，價錢係油尖旺區都算係抵食嘅餐廳。炸魚皮 $20 叫左d小食，呢份炸魚皮抵食勁多片。魚片比較薄身，味道幾好唔太鹹，炸得好夠脆身。腐乳通菜 $19另外叫左碟菜食，去親麵店食野通常會叫碟菜食。麻辣白肉 $33呢個白肉片切得夠厚身，味道夠麻，辣度唔會太過辣，份量麵幾多。五香牛𦟌擔擔麵 $53擔擔麵湯底幾香濃嘅花生醬味，食之前撈底搞混個湯，飲落食落好香。牛𦟌軟筋位好多，夠淋身唔硬，味道夠鹵香。麵底索起晒個花生擔擔香味，食落唔油，不過個麵相對上煮得有少少太淋。清湯崩沙腩通粉 $62 , 熱飲 +$8餐廳標明牛腩牛骨每日都係新鮮，呢碗清湯崩沙腩望落已經夠吸引。牛骨湯湯底夠清甜香濃，崩沙腩位上面個層嘅腩邊位，薄薄一層嘅軟膠質感，口感爽脆又唔硬，腩肉位唔肥肉質嫩身。通粉係扭扭粉黎，口感幾好，大大碗可以連埋d湯都飲埋。小總結，呢間新開小店睇得出幾用心做，食材新鮮又夠抵食，難怪咁快咁多人幫襯。