影片
更多
2021-10-20
45 瀏覽
週末一杯早啡已經成為我過去兩年嘅一個小習慣。隨住香港高質嘅咖啡店遍地開花，港人對咖啡嘅追求唔再局限於飲連鎖嘅商業咖啡，絕對係好事。今個星期每日都細雨濛濛，聽住Maroon 5嘅Sunday Morning, 沿住大南街搵一間心水嘅Café特別有感覺。漫步到街頭見到一間Café門面係一道懷舊嘅鐵閘，不自覺就行咗入去。店內裝潢簡約X懷舊，灰色水泥牆身配以黑字，亂中有序嘅排列別樹一格。Pineapple Ale & Blackccino夏季嘅氣息依然濃厚，鳳梨特飲寧舍消暑解渴。飲品用咗新鮮嘅鳳梨煮成果醬，再加入Ginger Ale沖調，入口甜酸適中且略帶薑味微辣。每一啖都帶有一絲絲果肉，配上鳳梨乾佢陪襯，口感清新開胃。Blackccino 口感風味濃厚，原來係咖啡師以Espresso大力加冰，再打入空氣，從而營造出有如黑啤嘅絲質細滑嘅口感。果然係非一般嘅Black Coffee。Cofflow HotcakeCofflow誠意之作，呢份甜品係要即叫即整，等候時間大約20分鐘。熱鬆餅上碟時仲係熱辣辣出哂煙，配上雪糕、果醬、蜂蜜、莓果以及堅果碎，口感非常有層次。而且入口時熱鬆餅同雪糕正好做成冰火
今個星期每日都細雨濛濛，聽住Maroon 5嘅Sunday Morning, 沿住大南街搵一間心水嘅Café特別有感覺。漫步到街頭見到一間Café門面係一道懷舊嘅鐵閘，不自覺就行咗入去。
店內裝潢簡約X懷舊，灰色水泥牆身配以黑字，亂中有序嘅排列別樹一格。
Pineapple Ale & Blackccino
夏季嘅氣息依然濃厚，鳳梨特飲寧舍消暑解渴。飲品用咗新鮮嘅鳳梨煮成果醬，再加入Ginger Ale沖調，入口甜酸適中且略帶薑味微辣。每一啖都帶有一絲絲果肉，配上鳳梨乾佢陪襯，口感清新開胃。
Blackccino 口感風味濃厚，原來係咖啡師以Espresso大力加冰，再打入空氣，從而營造出有如黑啤嘅絲質細滑嘅口感。果然係非一般嘅Black Coffee。
Cofflow Hotcake
Cofflow誠意之作，呢份甜品係要即叫即整，等候時間大約20分鐘。熱鬆餅上碟時仲係熱辣辣出哂煙，配上雪糕、果醬、蜂蜜、莓果以及堅果碎，口感非常有層次。而且入口時熱鬆餅同雪糕正好做成冰火口感。味道方面甜度適中，堅果碎令整份甜品錦上添花。一份兩個人share就剛剛好。
Garlic Mushroom & Spinach Pasta with Pesto Sause
食完甜品開胃當然就要食正餐，呢客意大利麵都係由廚師精心炮製，製作過程散發住令人流哂口水嘅蒜香味，菠菜雜菌嘅配上青醬口感清新而不膩，而且鑊氣十足。
Luncheon Meat & Scrambled Egg Bagel
最簡單嘅食材有時會帶出令你意想不到嘅驚喜，顧名思義呢道菜就係：餐肉X炒蛋X貝果。餐肉雖邪惡但好難抗拒佢嘅誘惑；手工貝果口感外脆內軟，味道非常好。
張貼
