金滿膳燒味餐室 (已結業)

放假唔想周圍迫，就同男朋友去咗屋企附近呢間燒味餐室食飯，入到去覺得餐廳環境好闊落，而且係比較現代化嘅設計，牆身仲有特別嘅卡通招財貓同埋唔同嘅燒味圖案，幾有特色。我哋分別叫咗雞扒蛋飯同燒味四寶飯，兩個飯嘅價錢都係$50，但送到嚟好大碟，都幾抵食。燒味四寶飯有齊白切雞、叉燒、鹹蛋同埋紅腸，超級豐富呀。鹹蛋嘅味道好香濃，用嚟送飯就一流。跟住叉燒係我最鍾意食嘅燒味，叉燒肥瘦適中，識落唔會鞋，超鍾意。跟住白切雞都冇任何雪藏味，口感仲好滑添。雞扒蛋飯有塊超巨型嘅雞扒，食落仲會有肉汁，同樣口感都係唔會鞋，仲有啲香脆。然後側邊仲有大大隻嘅太陽蛋，隻蛋仲係流心，蛋汁撈埋啲飯食真係一流。