老上海飯店 (已搬遷) 新店位置

本來想食橋底間三六九, 但因為怕等位, 而有朋友介紹過這間上海菜, 即日打去book有位, 一於試吓. 先講環境, 飯店在酒店地庫, 好大間, 好光鮮, 原來都幾full house, 好彩唔似酒樓咁嘈, 未踏入飯店前在酒店大堂見到好多自由遊客, 心裏有啲擔心會否係旅行團飯堂.....好彩大部份都是本地人幫襯. ^o^我們一家4人, 打開厚厚既餐牌, 前菜有分例牌/大碟, 我哋全部叫例牌. 無叫太多特別菜式, 因為在我心目中係想食一間舊式既上海店, 所以最主要要試佢既上海粗炒, 但見其他食家有讚佢既上海炒年糕, 見煮法同粗炒相似, 所以就試這個.  另外我每逢去上海飯店, 就必試菜肉雲吞, 好想搵到間係勁多菜勁少肉既造法, 好似天后上海弄堂及小南國, 見這間有我最愛既薺菜雲吞, 更要點來試試(最初以為漏單食到最尾都仲未來, 大家都超飽諗住漏單就算啦, 但心裏好渴望試, 幸好最後都有來 ^_^).  另外, 我們還點了醉雞, 煙薰蛋, 薰魚, 小籠包, 金華火腿津白, 糖醋骨.