桐 (已結業)

最近屋企附近開咗間壽司店，門面好乾淨企理。除咗做外賣之餘，店內都有張檯仔同埋一張長吧檯可以堂食。 呢度有我最愛嘅火炙系列。 火炙芝士蟹肉棒：加入芝士為蟹棒添加鹹香味道，滿口鹹鮮滋味。 火炙三文魚壽司🍣：火炙過後魚油香突出，表面微微焦香，非常美味。 火炙芝士熟蝦壽司🦐：熟蝦新鮮，燒過嘅芝士溶入熟蝦中，鮮甜中帶點芝士香味，令人回味。 火炙鵝肝壽司：本身都好喜歡食鵝肝，鵝肝喺火炙後油脂香氣發揮到淋漓盡致，入口香滑，入口幼滑，香氣四溢。 花之卷：作為三文魚愛好者，花之卷係必食，三文魚新鮮肥美，味道鮮甜，加上爽口嘅蟹子，食落去口感相當豐富。 除咗壽司之外，亦都有幾款丼飯選擇🍱，價錢都好優惠，今次揀咗個吉列豬扒丼同埋一口牛丼，兩個都幾大碗。 吉列豬扒丼🐖：豬扒香脆鬆軟，咬落去燙口多汁韌。配菜有新鮮生菜同鮮甜蕃茄，啱晒食完脆炸嘅豬扒，用嚟清新吓口腔。 一口牛丼：粒粒珍珠米，咬落去煙韌。一口牛有牛味，而且夠稔，洋蔥亦夠甜，加上白芝麻同香，成個飯都好好味。 丼飯仲有味噌湯或者汽水送🥤，夠晒抵食！