鹿角巷

營業中

休息中

上星期新年最後一日，去尖沙咀行街，依然好多人，全部幾乎講普通話，行到咁上下，想飲杯野，之前旺角見鹿角巷排晒隊，好似好正咁，眼見無人排隊，於是走去想買返杯黑糖珍珠試下。原來唔係無咩人，係排隊條龍分開左一段姐，我諗住講想要咩，收銀條仔問我有冇排隊，後面條女搶答我無，我話唔好意思見唔到，呢點鹿角安排差到爆，然後我排返隊，之後有對情侶又係好似我咁，然後有個內地人都係唔知，跟住都有好幾個人以為唔洗排，而被後面d人寸。其實我最想飲抹茶系列，全部都售完囉。之後都揀無可揀，要杯黑糖鹿丸奶茶，叫試下招牌菜奶味香嘅，黑糖仲熱嘅，要凍飲，其實混合唔係好涷，唔凍唔熱其實好唔鐘意。黑糖珍珠ok嘅，唔會好甜。大家可以試下嘅。