影片
更多
2021-01-06
281 瀏覽
曾幾何時我經常會買滿記做飯後甜品, 一黎位置方便, 再黎我呢個甜品怪食甜品係偏好鍾意食熱既多D, 雖然蛋糕外型好靚, 糖水亳無造型可言, 但係就算到⛱夏天, 都唔會話特別要食凍既甜品。鍾意食完熱野個胃暖笠笠既感覺。尤其前兩日買左士多啤梨做小食, 所以今日既飯後甜品就更要買熱既。(非常掛念香港只係得返3間分店既我是酸奶君 , 沙田係其中一個地方有賣)一早已經唸好要食咩, 就係我已經食過無數次既焗荔茸西米布甸(不過自從搬左之後, 應該起碼有3年無幫襯)。香港其實仲有無甜品店有賣? 尤其係用芋茸做餡既, 個人喜歡芋茸多過蓮茸。滿心歡喜落ORDER, 但係.........店員話已經賣曬。只係下午兩點多就賣曬!!!係我懷疑緊佢究竟係唔係已經停產之際, 我見店員將應該係最後一個既焗荔茸西米布甸送上去某客人的餐枱上。唉, 無得食就更加想食呀!!!無計啦, 唯有叫其他, 最後點左芝麻糊腰果花生露加配黑糯米。芝麻糊腰果花生露加配黑糯米 - 因為係外賣返屋企食, 芝麻糊同腰果花生露已經混埋一齊, 唔係太食到腰果花生露既味道, 總體黎講味道不算香濃, 表現正常, 起碼沒有苦味或油耗味。但佢地既黑糯米我鍾意
一早已經唸好要食咩, 就係我已經食過無數次既焗荔茸西米布甸(不過自從搬左之後, 應該起碼有3年無幫襯)。香港其實仲有無甜品店有賣? 尤其係用芋茸做餡既, 個人喜歡芋茸多過蓮茸。
滿心歡喜落ORDER, 但係.........店員話已經賣曬。只係下午兩點多就賣曬!!!係我懷疑緊佢究竟係唔係已經停產之際, 我見店員將應該係最後一個既焗荔茸西米布甸送上去某客人的餐枱上。唉, 無得食就更加想食呀!!!
無計啦, 唯有叫其他, 最後點左芝麻糊腰果花生露加配黑糯米。
芝麻糊腰果花生露加配黑糯米 - 因為係外賣返屋企食, 芝麻糊同腰果花生露已經混埋一齊, 唔係太食到腰果花生露既味道, 總體黎講味道不算香濃, 表現正常, 起碼沒有苦味或油耗味。但佢地既黑糯米我鍾意呀, 第一次食滿記既黑糯米, 之後上網睇返原來佢地既黑糯米好出名, 真係好味喎, 黑糯米煮得軟糯煙韌有咬口, 重點係仲加入左各式類似豆類芋丁以增加口感, 好有心思。
食左香港既中式糖水咁多年, 試過咁多間唔同既糖水店, 滿記出品算是不錯, 有特色, 重點係甜度適中(好多時買返屋企食既糖水, 我都要自行再加水溝淡)。
張貼
