珍煮丹 (已結業)

今日試咗佢哋最新推出嘅飲品楊枝甘露，價錢同一碗糖水差唔多所以都係抱着期待嘅心情去嘗試，一攞地杯嘢飲個外表非常之吸引，唔同嘅材料製造左分層嘅效果，飲落第一啖亦覺得杯嘢飲非常之足料，入邊包括有西米露椰奶芒果沙冰西柚同埋好多嘅芒果肉。你杯嘢飲嘅甜度同冰度係固定的冇得選擇，但飲落去唔會話非常之甜或者非常之淡，無論係甜度定冰度喺夏天呢個溫度嚟講都係非常之適合，最驚喜嘅係佢嘅西米係非常之大粒同埋非常之彈牙，唔似平時喺糖水舖有機會見到嗰啲淋gigi一咬就爛嘅西米，整體而言我會覺得呢杯嘢飲係值呢個價錢。