尚夢・茳煳 (已結業)

週末行完婚展，附近行街。覓食時間發現呢間中菜館，好似頗有特色，索性試下啦。店鋪位置唔算偏僻，門口就有停車位。鋪面兩層，樓下好多卡座，未到飯鐘，人唔算多。坐低店員就問飲咩茶，慣例香片。上到黎，仲搭埋保溫蠟燭，貼心抵讃！食中菜，肯定唔少得湯啦。是日推介鮮人參燉雞，真系好濃郁的參味，湯汁清澈，入口微苦，然後回甘，搭配埋腰果，薏米，瘦肉同雞肉，真系原汁原味，推介！小炒王用料足，有銀魚仔，蝦幹，豆腐同魷魚，搭埋主角韭菜，爆香豬油炒餸，夠曬鑊氣，香口但味道又唔會太鹹。後廚功夫線上，普通菜式都唔會輸。江湖炒飯真系幾唔錯，距地噶菜脯真系好好食，以至於我專登揀出黎。材料搭配都頗講究，賣相一流。枸杞子，菜心，鹹蛋黃，食落又唔會油膩，真系好考功夫。洛神花糕好似啫喱甘，酸酸甜甜，飯後食真系消滯恩物。