天草漁場 (已結業)

有落地大玻璃，同埋壽司吧枱。如果想睇廚師整嘅食，就一定要坐吧枱啦。因為佢哋嘅擺設真係好靚架。【天空吞拿魚刺身】入口即溶，而且feel到好新鮮。會有兩款嘅吞拿魚，兩款都係正嘅，油份多得非常足夠【浜燒車海佬】將一隻蝦變成三粒，都睇得出係大大隻蝦，人人都中意。而且好容易就可以剝殼唔會整污糟手【大草大王鵝肝雞翼】成個禮物盒咁上的，乾草上邊有成隻雞全翼，師傅即場燒出黎架。熱辣辣，肉質豐富【藁草燒鰹魚刺身】咁深色的刺身，以為會好濃味，食上去又幾鮮味。【炸川海佬】成個籃的蝦仔，望上去以為係薯片。細細粒，咸咸地，入口就香脆可口，送啤酒一流呀。加少少青檸檬更加清新。【燻木紅酒牛脷】入口又淋又香，唯獨份量就比較少。【鮑魚拌海膽味噌】唔止鮑魚咁簡單 ，好甜而且厚度十足。【天草緋扇貝】黃色的貝殻 ☂️超靚靚，影相一流。而且好厚身食落汁多鮮甜。【黑醬油飯團茶漬】 淨飯，有小小咸味，比較平凡。總括來講成間鋪頭嘅菜式的味道屬於中上，外表上超高分，服務質素都非常好。