東羅 泰館 (已結業)

近年新開既觀塘裕民坊商場入邊有唔少食肆選擇，今次發現左3樓空中花園嘅一間新派泰菜餐廳🇹🇭裝修用咗橙色、木系為主調，帶有東南亞度假感覺🌴餐廳外邊都有坐位，可以帶狗狗一齊去添🐶呢間餐廳唔單止有泰國嘢食，仲混合咗西式Funsion 菜🍝而且價錢份量都相當合理，店員服務態度友善，成個餐廳感覺令人好舒適🫰🏻泰式生蝦刺身配酸辣青汁🦐🌶️生蝦刺身蝦肉爽口彈牙，每一隻都浸住滿滿嘅酸辣青汁，帶有蒜蓉同少辣椒，非常惹味🤪羅勒肉碎炒豆角🫘一嚟到就見到份量好大碟🤩 炒香咗嘅肉碎加入泰式香料炒埋豆角，味道啱啱好😙冬陰功雞扒漢堡配薯條🍔🍟 漢堡包皮烘得香脆，中問夾左煎香嘅雞扒🍗蕃茄生菜🍅🥬再配上酸酸辣辣嘅冬陰功汁🌶️開胃得來，感覺特別有別於一般嘅漢堡包😛冬陰功海鮮意大利麵🦐🍝餐廳有別於一般嘅傳統泰菜，冇金邊粉炒粉絲選擇，但係餐牌混合左西式元素，意大利粉掛上香濃嘅冬陰功汁，唔算太辣，其他海鮮亦都預先煎香咗，成個配搭好夾😋泰式咖喱配薄餅🥘🫓本人好鍾意用咖喱汁點薄餅，呢個配搭非常之好，淨係一塊薄餅加汁，唔使驚食唔晒浪費🤭