籽泰 (已結業)

🍴籽泰 @ 荔枝角🍴 以前係呢度附近做野，今日返黎探D舊同事，又咁岩想食泰國野，就入黎試下先。 ------------------------------ 🔴 脆炸泰國豬皮 + 自家製酸辣蕾茄醬 第一次知豬皮原來可以咁樣食，炸到脆卜卜咁再撈埋個醬，個醬佢地地自己調製架！酸酸甜甜，仲好足料咁睇到幾舊蕃茄係入面，好好味，兩個加埋用黎送酒一流🥳🥳 🟢 青木瓜咸蛋碎沙律 好少見青木瓜沙律同咸蛋呢個組合，第一次見覺得好特別。咁岩我又鍾意咸蛋🤤兩者加埋原來都幾夾，仲有多重口感！沙律既酸再加咸蛋既咸香味，好開胃。 🟡 豬肉碎生菜包 雖然好多餐廳都有，而且肉碎先係主角，但我好CARE D生菜係大大塊無黃葉無爛葉，呢度合格✔大大羹肉碎連埋生菜，包住黎食都幾香辣&惹味，唔錯😊 🟠青咖哩羊腩 羊腩炆到好入味，而且無羊羶味， 好食，青咖喱食落比較甜，椰奶味都幾濃，幾岩送飯。 🔵咖喱雞槌黃金麵 呢個係泰北著名招牌麵，用咖哩再配上特製香料而成。湯底夠味，仲俾左大大隻雞槌，份量夠，口感唔錯，如果可以有辣味既就仲好。 🟣籽泰船麵 平時係出面食船麵覺得比較淡味同份量又比較少唔係好夠飽。呢碗麵一睇就知好