影片
更多
2023-08-27
45 瀏覽
近期迷上泰菜，知道荃灣新開咗間泰國餐廳，距離港鐵站5分鐘左右，好就我腳，又去咗試試！呢間係新派泰國餐廳，選址中染大廈，去到門口已經覺得裝修幾靚，門面好光猛，仲有好多綠色植物裝飾，入面位置好闊落，當然新開餐廳好乾淨，裝修見心思，有別於傳統泰國餐廳。Menu成本書咁厚，算係多菜式選擇，除咗傳統泰國菜之外，仲有創新西餐！可能係平日食early dinner未係好多人，侍應企喺我側跟隨時serve客人，見我揸唔定主意食乜嘢菜式，仲有推介，講嘢客客氣氣都幾有禮貌。✔️青木瓜金柚蝦沙律$88賣相同份量都唔錯，柚子甜度適中，蔬菜青綠新鮮，有唔少醋汁，同蔬菜混埋一齊食酸酸甜甜好開胃！✔️香葉海南雞（半隻）$138雞肉肉質香嫩夠肉地，有雞胸肉又有雞髀，配有醃製酸瓜，好酸好解膩。✔️泰皇松葉蟹肉炒飯$108份量好大，好多澱粉質，飯粒夠乾身有彈性，加咗洋蔥片、豆角粒、蛋、蟹肉、羅勒葉一齊炒。✔️柚子海萄萄慢煮三文魚$168呢個菜式係侍應推介嘅，話擺盤好靚啱晒打卡！一上枱，果然係用咗唔同食材堆砌到好靚，色彩繽紛。慢煮三文魚保持到魚肉質感，同其他西餐食到嘅香煎三文魚，唔同嘅地方係呢度嘅三文魚用咗柚子醬、水果嘅鮮味去調味
✔️青木瓜金柚蝦沙律$88
賣相同份量都唔錯，柚子甜度適中，蔬菜青綠新鮮，有唔少醋汁，同蔬菜混埋一齊食酸酸甜甜好開胃！
✔️香葉海南雞（半隻）$138
雞肉肉質香嫩夠肉地，有雞胸肉又有雞髀，配有醃製酸瓜，好酸好解膩。
✔️泰皇松葉蟹肉炒飯$108
份量好大，好多澱粉質，飯粒夠乾身有彈性，加咗洋蔥片、豆角粒、蛋、蟹肉、羅勒葉一齊炒。
✔️柚子海萄萄慢煮三文魚$168
呢個菜式係侍應推介嘅，話擺盤好靚啱晒打卡！一上枱，果然係用咗唔同食材堆砌到好靚，色彩繽紛。慢煮三文魚保持到魚肉質感，同其他西餐食到嘅香煎三文魚，唔同嘅地方係呢度嘅三文魚用咗柚子醬、水果嘅鮮味去調味，味道冇咁單調，又提升左食慾！
✔️馬拉盞炒通菜$88
個菜幾新鮮，辣辣哋，炒得好入味！
✔️蜜香芒果$53
呢個甜品上層係好甜嘅芒果粒，中層係cream，下層係即整脆窩夫，仲淋上咗甜醬！
✔️創意珍多冰
同傳統嘅珍多冰一樣，好香椰奶味，又加咗紅豆、唔同味道嘅粉條，係通常唔會出錯嘅飲品！
✔️凍泰國手標綠奶茶$28
紅茶底嘅泰國奶茶飲得多，第一次飲泰國綠奶茶，果然係冇咁甜，但又保持到泰國奶茶嘅茶香、奶香。
張貼
