Siam 28 (中國保險大廈) (已結業)

泰國菜，喺香港都成日食到，地道之外都有新派菜，有間泰國菜，朋友成日介紹，話有好多得意嘅嘢食，今日就book位試吓佢。尖沙咀金馬倫道尾，樓上鋪嘅位置環境比較靜，都幾啱一班朋友飲杯嘢。炸青木瓜沙律店員好細心，上枱嘅時候會介紹菜式嘅材料或者煮法。青木瓜沙律，原來係來自泰國北部，通常都比較辣，而且唔係個個都鍾意。餐廳就拎咗去炸，口感就有啲似芋絲條咁樣，配一個甜甜地辣辣地嘅醬汁係隔離俾你點，成件事好得意。炸牛舌將牛舌拎去炸，口感好鬆脆，而且好淋身，完全同平時出邊食到嘅唔同。✨香茅雞脾菇雞蛋碎生菜包生菜包，通常都係豬肉碎，今次呢個係全素嘅，估唔到辣辣地又幾好食。好有層次又有口感 辣椒膏炒蜆叫咗少辣，係好惹味嗰種辣。每隻蜆都掛滿咗汁，上枱時仲係熱辣辣，惹味到不得了。粉絲大頭蝦煲上枱時先打開蓋，好香好濃味，有陣好似馬來西亞肉骨茶嘅味道，再問職員，原來係用咗花椒八角桂皮去整，成道菜都好香，同平時食到嘅粉絲煲好唔同。粉絲吸哂醬汁，有2隻大蝦仲，肉質彈牙份量都幾多，我諗起碼三個人以上先好嗌。濕炒海鮮停頓之麵職員就話第一次嚟食，一定要叫，打卡一流。見到隔籬枱食，已經即刻諗住嗌一個。上枱嘅時候，有對筷子撐起成個